رۆژی سێشەمە 1ی خەزەڵوەر خەڵكی ئاوایی حەسەن ئاوای شاری سنە لە ناڕەزایەتی بە گوشارو بەرتیلگیری مەئمورانی شارەداری، لە بەرانبەر ناوەندی شارەداری دەستیاندایە كۆبوونەوەیەكی ناڕەزایەتی دەربڕین. لە درێژەی ئەم كۆبوونەوە، بەرپرسانی كۆماری ئیسلامی هیچ وڵامێكیان بە داواكاریەكانی خەڵك نەدایەوە‌و بە ناردنی هێزێكی زۆر بە بنكەی هێزی ئینتزامی حەسەن ئاوا، لە هەوڵی ئەوەدابوون كە بڵاو بە خەڵكی ناڕازی بكەن، بەڵام لەگەڵ بەربەرەكانێی خەڵكی ئەو ناوچە رووبەڕوو بوونەوە. ئەمە لە حاڵێكدایە كە لە درێژەی ئەم تێكهەڵچوونە چوار كەس لە لایەن هێزەئەمنیەتیەكانەوە دەسبەسەركران. مەئمورانی كۆماری ئیسلامی پاش نیو سەعات بە هۆی گوشاری لەرادەبەدەری خەڵك‌و كۆبوونەوە لە بەرانبەر بنكەی هێزی ئینتزامی بە ناچار ئەو چوار كەسەیان ئازادكرد.