مەئمورانی كۆماری ئیسلامی بە هێرشێكی بەربڵاو بۆسەر خەڵكی ئاوایی نگڵ سەر بە شاری مەریوان، دەستیان بەسەر كەل‌وپەلی ماڵی خەڵكدا گرت. بە پێی سەرچاوەكانی هەواڵ، مەئموران پاش هێرش بۆسەر ئەم ئاواییە، دەستیاندایە شكاندنی دەرگاو پەنجەرەی ماڵەكان‌و هەروەها سووكایەتی بە بنەماڵەكان. شایانی باسە، تا ئێستا لە رێژەی دروستی ئەو خەسارانەی كە لە خەڵك كەوتووە زانیاریەك لەبەردەستدا نیە، بەڵام بە پێی وتەی شایەتحاڵەكان، مەئمورانی كۆماری ئیسلامی بە بیانووی بوونی شت‌ومەكی قاچاخ لە نێو ماڵەكان، دەستیان بەسەر كۆمەڵێك كەل‌و پەلی شەخسی خەڵكی ئاوایی نگڵدا گرتووە.